Nakikiramay ako sa mga pamilya ng dalawang OFW na namatay sa aksidente sa Saudi Arabia

Taos puso akong nakikiramay sa mga pamilya ng dalawang OFW (Overseas Filipino Workers) na namatay sa aksidente sa Saudi Arabia. Nawa'y maging matatag kayo mga kababayan.

http://www.gmanews.tv/largevideo/related/21767/Families-of-2-OFW-accident-victims-in-Saudi-seek-govt-help

Nabalitaan ko sa telebisyon nung isang gabi ang nangyaring aksidente. Naramdaman ko ang nararamdaman ng mga pamilya ng dalawang OFW.

Alam kong masakit, malungkot at mahirap 'yun para sa kanila. Ang aking ama, pinsan at aking mga tiyo ay nagtatrabaho din sa

Saudi Arabia. Malulungkot at masasaktan din ako kung may mangyayaring masama sa kanila doon. Totoong mahirap 'yon, kaibigan!

Sasamantalahin ko na ang pagkakataong ito. Saludo ako sa lahat ng mga kababayan nating mga OFW na tunay na nagsisikap para sa kanilang mga

naiwang pamilya dito sa Pilipinas. Para sa akin, mga bayani kayo mga kababayan. Mabuhay kayo! Isa kayo sa mga inspirasyon ko sa buhay. Maraming salamat.

Tamayo, Rainier M.

12:16 AM

Sunday, May 11, 2008