Ako, ang enrollment, at ang kahirapan

Ako, ang enrollment, at ang kahirapan

Mga kababayan, may tanong ako sa inyo, nararamdaman niyo ba ang hirap ng buhay dito sa Pilipinas?

 

Naniniwala akong karamihan sa ating mga kababayan, ramdam ang hirap ng buhay. Isa na 'dun ang pamilya namin. Sa katunayan, hiniram lang ng nanay ko ang pang-enroll ko ngayung sem na 'to. Kung saan-saan siya lumalapit para makahanap ng pera. Buti nalang pinahiram siya ng ninang ng kapatid ko.

 

Naawa ako sa nanay ko. Kung saan-saan siya pumupunta para makahiram ng perang pang-enroll ko, tapos ako, minsan tinatamad akong mag-aral. Sa katunayan, may isang major subject akong bagsak last school year 1^st sem. Saka may naiiwan pa akong mga minor subjects. Nakakahiya sa mga magulang ko. Ang mga grades ko kadalasan 2.75, minsan may 3.00 din, paminsan-minsan naman, 2.5, 2.00. 'Di ko pa naranasan magkaroon ng grades na 1.00 or 1.50 man lang. Tamad talaga ako mag-aral 'yun ang napansin ko sa sarili ko. Slow learner ako. Minsan kailangan pang ulitin ang tinuturo ng instructor, para maintindihan ko. Masasabi kong mahina ako sa pag-aaral simula pa nung grade school ako. At alam kong mahina ang loob ko. Ngunit ganunpaman, masasabi kong 'di ako sakit sa ulo sa mga magulang ko sapagkat 'di ako nakikipagbarkada, nagbubulakbol, at wala akong bisyo. (Oo, umiinom ako ng alak, ngunit paminsan-minsan lang).

Hanga ako sa mga taong masisipag mag-aral. Matatalino, madaling matuto at malakas ang loob.

Pero may mga kilala ako, matalino sila at 'yung iba makapangyarihan pa sa lipunan. Ngunit ang mga biyayang binigay sa kanila ginagamit nila sa mga 'di wastong gawain. inaabuso nila ito. 'Yun ang hinding hindi ko tutularan sa kanila.